இடைவேளைக்கு முன்னர் ஒரு படம் இடைவேளைக்கு பின்னர் ஒரு படம் பார்த்த மாதிரி இருந்தது.எப்பிடி இருந்தாலும் இடைவேளைக்கு முன்னர் நண்பர்களின் வீண் கலாட்டாவேட படத்தை கொண்டு போயிருக்கிறார் செல்வராகவன் சோனியாவை பிரிஞ்சதாலேயோ என்ன செய்யிறதொண்டு தெரியாம படம் பண்ணிருப்பார் போல தோண்டிச்சு.

மழை பெய்யும் பொழுதில் வீட்டின் குத்துப் பகுதியில் உறக்கி எழும்பும் தனுஷ்  எதிர்காலத்தில் தனது இலட்சியமான சிறந்த புகைப்பட கலைஞன் ஆக மாறுவதை காட்டும் படமே மயக்கம் என்ன

தொடக்கத்திற்கும் முடிவிற்கும் தலைப்பு நிச்சயம் பொருந்தாது இடைநடுவில் நடக்கும் சம்பங்களை அடிப்படையாக கொண்டதே படத்தின் தலைப்பு.

நண்பர்களின் கூட்டு கலாட்டாவோட படத்தை தொடக்கும் செல்வராகவன் பழகிப் பார்த்து திருமணம் செய்யிறதெண்ட விசயத்தை கொண்டு வருகிறார்.
பழகிப் பார்த்து கல்யாணம் பண்ணிறதெல்லாம் இதுவரைக்கும் தமிழ் கலாசாரத்திற்குள் வரல்ல எண்டு நான் நினைக்கிறன்.

நிச்சயமாய் வீட்டில உள்ள பெரியவர்களுக்கு இந்த விசயத்தில சற்றும் கூட உடன்பாடு இருந்திருக்க மாட்டாதெண்டு நான் நினைக்கிறன்.எப்பிடியொண்டாலும் தற்கால இளசுகளுக்கு இந்த விசயம் கொஞசம் சரி அல்லது நன்றாகவே பிடித்திருக்கும்.

கதாநாயகியான ரிச்சாவுடன் பழக்கிப் பார்க்கும் தனுஷின் நண்பன் அவளை கவரக் கூடிய விதத்தில் செயற்படாத மாதிரி கதை சொல்லும் செல்வராகவன் தனுஷின் செய்கையால் கதாநாயகி ஈர்க்கப்படுதாய் படத்தை தொடர்கின்றார்.
தனக்கும் கதாநாயகி ரிச்சா கங்கோபாத்தியாயே மீது சின்ன மயக்கம் இருப்பதை உணர்வுகளால் காண்பிக்கிறார் தனுஷ் .

எனினும் அதனையும் மறைத்து இதெல்லாம் தப்பு நீ எனக்கு சிச்டர் மாதிரி எண்டு வசனம் பேசிறதெல்லாம் ரொம்ப ஒவர் ……

இதனிடையே தனது இலட்சியத்தை அடைய துடிக்கும் தனுஷ் அந்த துறைசார்ந்த நிபுணர் ஒருவரால் ஏமாற்றமடையும் போது ஆறுதல் கூறும் கதாநாயகி ரிச்சா உணர்ச்சி வசப்பட்டு முத்தமிடுகிறார்.

நண்பனுக்கு துரோகம் செய்ததாக துடிக்கும் தனுச் சில நாட்கள் வேறிடம் சென்று மீண்டும் வீடு திரும்பும் போது தனுசை; கதாநாயகி ரிச்சா கட்டியணைக்கும் போது நண்பன் உட்பட அனைவரும் அதிர்ச்சியடைகின்றனர்.

நுண்பனின் தகப்பனார் கொடுக்கும் தண்ணியப் போட்டு சமாதானமாகும் நண்பர்கள்.தொடர்ந்து கதாநாயகியை ரிச்சாவை திருமணம் செய்கிறார் தனுஷ் .
எனினும் இலட்சியத்தை எட்டத் துடிக்கும் தனுஷ்  பின்னடைவை சந்திக்கறார்.

கதாநாயகியை அடித்து துன்புறுத்துகிறார். பழகிப் பார்கின்ற கலாசாரத்தில்; வந்த பெண்ணு அந்த துன்புறுத்தல்களுக்கு மத்தியில் பொறுமையாய் இருகிறார் என்றால் அது படத்தில் மட்டும் தான் முடியும்.இருப்பினும் தனுசின் இலட்சியத்தை எட்டுவதற்கு மனைவியாக கதாநாயகி ரிச்சா மேற்கொள்ளும் முயற்சிகள் பாராட்டதக்கது.

இதனிடையே ஏமாற்றிய பிரபல புகைப்படப் பட கலைஞரின் நேர்காணலை தொலைக்காட்சியை பார்க்கும் போது கோபமடையும் தனுஷ்  கற்பமாக இருக்கும் மனைவியை தாக்கும் போது கற்பம் கலைகிறது.அதன் பின்னர் அவர் தனுசுடன் பேசுவதற்கு மறுக்கிறார்.

இதனையடைந்து மனந்திருந்தும் தனுசிற்கு மனைவியின் முயற்சியினால் புகைப்பட கலைஞர் என்ற இலட்சியத்தை அடைவதற்கு சந்தர்பம் கிடைக்கிறது.
தனது திறமையால் புகைப்பட கலைஞருக்கான உலகில் சிறந்த விருதை வெல்கிறார் தனுஷ் . புடம் ஆரம்பமானவுடன் எதிர்பார்த்த முடிவுதான்.

விருதுக்கு காரணமான நண்பர்களுக்கு நன்றி சொல்லும் தனுஷ்  விசேடமாக மனைவியான கதாநாயகிக்கு நன்றி சொல்கிறார்.நன்றி சொல்லும் தனுசினை பெருமித்துடன் நோக்கும் கதாநாயகி ரிச்சா நீண்ட நாட்களின் பின்னர் கணவனான தனுசுடன் தொலைபேசியில் உரையாட ஆரம்பித்ததுடன் படம் முடிகிறது.

படத்தின் பாடல்கள் இளைஞர்களை பெரிது கவர்ந்திருக்கும். எனினும் பெரியவர்களிடம் இருந்து அதற்கு நிச்சயம் பாராட்டு கிடைத்திருக்காது என்பது உறுதி.பாடல்களில் சில இடங்களில் இரட்டை அர்த்தம் புகுத்தப்பட்டுள்ளதை உணர முடிகிறது.

ஒரே வசனத்தில் சொன்னால் இடைவேளைக்கு முன்னர் ஒண்ணுமே இல்ல இடைவேளைக்கு பின்னர் சுமார்.

நகரத்தில் தொடங்கும் கதை கிராமத்தை நோக்கி நகருது.அபியும் நானும் மாதிரி அப்பா மகள் பாசத்தை சொல்லும் மற்றுமொரு படம் மனவளர்ச்சி குன்றிய கதாபத்திரத்தில் வரும் விக்ரம் படம் முழுவதும் தொடர்கின்றது. ஆனாலும் அந்த கதாபத்திரத்திற்கு மனைவியொன்றை உருவாக்கிய இயக்குநர் பிள்ளையொன்று பிறப்பதாகவும் அதன் பின் மனைவி இறப்பதாகவும் கதையை கொண்டு செல்கிறார்.

பிள்ளை பாத்திரமாக வரும் குழந்தை பாத்திரத்தின் நடிப்பு பிரமாதம்.ஒரு சபாஷ் போடலாம்.மற்றப் படங்களைபோல் சியானையும் காதலித்து மணக்கும் பெண்ணின் தகப்பனார் பேரப்பிள்ளைக்கு உரிமை கொண்டாடி சியானிடம் இருந்து பிள்ளையை பிரித்துச் செல்கிறார்.பிள்ளைத் தேடி நகரத்துக்குச் செல்லும் சியான் சட்டத்தரணி கதாபாத்திரத்தில் வரும் அனுஷ்காவை சந்திக்கிறார்.

பிள்ளையை சியானும் ஒன்றுசேர்க்கும் அனுஷ்காவின் முயற்சி தோல்வியடைகிறது. இருப்பினும் எதிர்தரப்பு சட்டத்தரணியாக வரும் நாசர் இடையில் நடைபெறும் சம்பவங்களால் இறுதியில் மனம்மாறி சியானுடன் பிள்ளை இருக்க சம்மதம் தெரிவிக்கிறார்.இருப்பினும் நீதிமன்றத்தில் நாசர் தொடுக்கும் கேள்விகளால் மனம்மாற்றமடையும் விக்ரம் மனைவியின் தகப்பனிடம் பிள்ளையை கொண்டு சேர்க்கிறார்.

தெய்வதிருமகன் என்ற தலைப்பை படம் முழுவதும் ஞாபகப்படுத்த வேண்டிய கட்டாயம் ரசிகர்களுக்கு உண்டு. எனினும் படத்தின் இறுதி முடிவு சியான் ஒரு மனவளர்ச்சி குன்றிய பாத்தரமல்ல என்ற எண்ணத்தை தோற்றுவிக்கிறது.அந்த இடத்தில் இயக்குநரும் தடுமாறிய நிலையை காணமுடிகிறது.மாதவன் சூர்யா ஆகியோருடன் நடித்த அனுஷக்காவை இந்தப் படத்தில் காணமுடியவில்லை.அங்கு இங்கு வரும் இரட்டை அர்த்த வசனங்களை தவிர 95  வீத சுத்த சைவப் படம்.

ஆமெரிக்க படையினரின் படைநடவடிக்கைகள் இந்த மாத இறுதியில் நிறைவடையுள்ள நிலையில் இந்த தாக்குதல் நடத்தப்பட்டுள்ளது.

கூட்டிணைந்த அராங்கத்தினை உருவாக்குவதற்கான பேச்சுவார்த்தைகள் இடைநிறுத்தப்பட்டு ஒருநாள் கழிந்த நிலையில் இந்த தாக்குதல் நடத்தப்பட்டுள்ளது.
ஈராக்கில் இடம்பெற்ற தாக்குதல்கள் காரணமாக கடந்த யூலை மாதம் உயிரிழந்த மக்களின் எண்ணிக்கை வெகுவாக அதிகரித்திருந்தமை குறிப்பிடதக்கது.
ஏற்கனவே ஈராக்கின் அன்பர் மாகாணத்தில் படையினர் மற்றும் வீதிப் போக்குவரத்துப் பொலிஸார் மீது நாளாhந்தம் தாக்குதல்கள் நடத்தப்படுகின்றமை வழமையாகியுள்ளது.

இந்த மாகாணத்தில் ஆகஸ்ட் மாதத்தின் முதலிரண்டு வாரங்களில் மாத்திரம் தாக்குதல்கள் காரணமாக 30 பொதுமக்கள் கொல்லப்பட்டமை குறிப்பிடதக்கது.

இராணுவத்தில் சேர்வதற்கான நீண்ட வரிசையின் நின்ற பொதுமக்கள் மீதே இந்த தற்கொலைக் குண்டுத் தாக்குதல் நடத்தப்பட்டுள்ளது.
ஈராக்கில் வேலைவாய்பற்றோரின் தொகை அதிகரித்து வருகின்றது.
மக்களின் நடமாட்டம் அதிகளவில் காணப்படும் நகரின் பிரதான பஸ்திரிப்பிடத்துக்கு அருகில் இந்த தாக்குதல் நடத்தப்பட்டுள்ளது.

இந்த தாக்குதலுக்கு இதுவரை எவரும் உரிமை கோராத நிலையில் ஈராக்கில் இயங்கும்  அல் கைய்தா அமைப்பு நடத்தியிருக்கலாம் என சந்தேகிக்கப்படுகின்றது.
ஈராக்கில் வாரந்தம் 250 பேர் இராணுவத்தில் சேர்க்கப்படுகின்றனர்.

இதன் மூலம் ஆயுத ஏந்திய இராணுவத்தினர் எண்ணிக்கையை அதிகரிக்க எதிர்பார்க்கப்படுகின்றது.
இந்த மாதத்தின் இறுதியில் ஈராக்கில் தங்கியுள்ள அமெரிக்க படையினரின் எண்ணிக்கையை 50 ஆயிரமாக அமெரிக்கா குறைக்கவுள்ளதுடன் 2011 ஆண்டின் இறுதியில் முழு துருப்பினரையும் வாபஸ் பெறவுள்ளமை குறிப்பிடதக்கது.
இவ்வாறு புதிதாக இணைக்கப்படும் படையினருக்கு பயிற்சிகளை வழங்க அடுத்த வருடம் வரை ஈராக்கில் அமெரிக்க படையினர் தங்கியிருப்பார்கள் என தெரிவிக்கப்பட்டுள்ளது.

சீனா தனது இராணுவ வளர்ச்சிகளை மூடி மறைப்பது புரிந்துணர்வின்மை மற்றும் தவறான கணிப்புக்கள் ஏற்படுவதை அதிகரிக்குமென அமெரிக்க பாதுகாப்பு திணைக்களத்தின் அறிக்கையில் தெரிவிக்கப்பட்டுள்ளது.

நில தள ஏவுகணைகளை தரமுயர்த்;துவதுடன், நீர் மூழ்கி படை மற்றும் ஆயுத உற்பத்தி சாலை என்பற்றினை விஸ்தரித்து வருவதாக பெண்டகனின் வருடாந்த அறிக்கையை ஆதாரம் காட்டி அமெரிக்க காங்கிரஸ் செய்தி வெளியிட்டுள்ளது.

அத்துடன் தாய்வான் மீதான மேலாதிக்கத்தையும் சீனா அதிகரித்து வருவதாக தெரவிக்கப்படுகின்றது.

சீனாவின் மிக வேகமான வளர்ச்சி தொடர்பாக அமெரிக்கா கூடுதல் கவனம் செலுத்தி வருவதாக தெரிவிக்கப்பட்டுள்ளது.1,150 குறிந்தூர ஏவுகணை மற்றும் எண்ணிக்கை தெரியாத மத்திய தூர ஏவுகணைகளை விஸ்திரித்துள்ளதாக அந்த அறிக்கையில் குறிப்பிடப்பட்டுள்ளது.

மக்களின் புல பில்லியன் டொலர்கள் இராணுவ விஸ்தரிப்புக்கு பயன்படுத்தப்பட்டுள்ளதாக அந்த அறிக்கையில் குற்றஞ்சாட்டப்பட்டுள்ளது.வரையறுக்கப்பட்ட நிலையில் இருந்த சீனாவின் இராணுவம் மற்றும் பாதுகாப்பு நலன்கள் நீடீரென அதன் சக்தியை அதிகரித்துள்ளமை தவறான எண்ணங்களையும் தவறான கணிப்புக்களையும் உருவாக்குமென அந்த அறிக்கையில் குறிப்பிடப்பட்டுள்ளது.

தென் கொரிய மற்றும் அமெரிக்கா ஆகிய நாடுகள் இணைந்து பாரிய பயிற்சி நடவடிக்கையில் ஈடுபட்டமையே தமது இராணுவ விஸ்தரிப்புக்கு காரணமென சீனாவின் இராணுவத் தகவல்கள் தெரிவிக்கின்றன.தமது உள்நாட்டு விவகாரங்களில் அமெரிக்கா தேவையற்ற முறையில் தலையீடுவதாகவும் குறிப்பாக தென் சீன கடற்பகுதி தொடர்பான அமெரிக்கா இவ்வாறு நடந்து கொள்வதாக சீனா குற்றஞ்சாட்டியுள்ளது.

அண்மையில் வியட்நாமில் நடைபெற்ற பிராந்திய மாநாட்டில் சீனாவுக்கு சொந்தமற்ற கடற்பரப்பு உரிமையாளர்கள் குறித்து ஆதரவு வழங்குவதாக அமெரிக்க இராஜாங்க செயலாளர் ஹில்லரி கிளின்டன் தெரிவித்திருந்தார்.

அத்துடன் வியட்னாமுடன் இணைந்து ஒருவார இராணுவப் பயிற்சிகளை அமெரிக்கா மேற்கொண்டிருந்தமை குறிப்பிடதக்கது. அமெரிக்க மற்றும் சீன நாடுகளின் இராணுவங்களுக்கு இடையில் தொடர்புகளை பேணுவதை சீனா இடைநிறுத்தியதுடன் அமெரிக்க பாதுகாப்புச் செயலாளர் ரொபேட் கேட்சை சந்திப்பதையும் நிராகரித்திருந்தமை குறிப்பிடத்தக்கது.

இந்த வருடத்தின் மார்ச் மாதத்தில் சீனா பாதுகாப்பு செலவீனத்தை தனது வரவு செலவு திட்டத்தில் 7 தசம் 5 வீதத்தால் உயர்த்தியிருந்தது.

இது 77 தசம் 9 பில்லியன் அமெரிக்க டொலர்களாகும்.அமெரிக்காவின் வருட பாதுகாப்பு செலவீனம் 700 பில்லியன் அமெரிக்க டொலர்களாகும்.

இந்த சர்ச்சைகளுக்கு இடையில் இரண்டு நாடுகளுக்கும் இடையில் நிலவும் தவறான கணிப்புக்களை தவிர்க்க பேச்சுவார்த்தைகளை நடத்த வேண்டுமென அமெரிக்க பாதுகாப்பு தலைமையகமான பெண்டகன் தெரிவித்துள்ளது.

கிழக்கு ஆசியாவில் மிகவும் பலம்பொருந்திய இராணுவத்தினை சீனா கொண்டுள்ளமை குறிப்பிடதக்கது.

பாகிஸ்தானில் ஏற்பட்ட வெள்ளம் காரணமாக 3 தசம் 5 மில்லியன் சிறுவர்கள் நீர் சம்பந்தமான நோய்களுக்கு உள்ளாகும் அபயாம் அதிகளில் உள்ளதாக ஐக்கிய நாடுகள் சபையின் பேச்சாளர் தெரிவித்துள்ளார்.

பாகிஸ்தானின் தென் பகுதி மாகாணங்களான சிந்து மற்றும் அதற்கு அண்மையிலுள்ள பாலோசிரான் பகுதிகள் தொடர்ந்தும் வெள்ளத்தினால் பாரிய அழிவைச் சந்தித்து வருவதாக அவர் குறிப்பிட்டார்

இந்த மாகாணங்களில் வசித்த பலர் தமது வீடுகளை விட்டு வெளியேறியுள்ளனர்

பாகிஸ்தானுக்கு விஐயம் செய்த ஐக்கிய நாடுகள் சபையின் செயலாளர் நாயகம் பான் கீ மூன் வெள்ளம் பாரிய அழிவை ஏற்படுத்தியுள்ளதாக குறிப்பிட்டார்.

இந்தப் பகுதிகளிலுள்ள சிறுவர்கள் டயரியா மற்றும் வாந்திபேதி போன்ற நீர் சம்பந்தப்பட்ட நோய்களுக்கு உள்ளாகும் அபாயம் உள்ளதாக மனிதாபிமானத்துக்கான ஐக்கிய நாடுகள் சபையின் பேச்சாளர் மவ்றிசோய் கீயூலியானோ தெரிவித்துள்ளார்.

இந்த நோய்களில் இருந்து சிறுவர்களைப் பாதுகாக்க சுத்தமான குடிநீர் தேவைப்படுவதாகவும் வெள்ளத்தினால் பாகிஸ்தானில் நீர் நிலைகள் அசுத்தமடைந்துள்ளதால் நீருக்கு தட்டுப்பாடு நிலவுவதாக அவர் கூறியுள்ளார்.

கொலாரா போன்றவற்றிலிருந்து பாதுகாக்க உலக சுகாதார ஸ்தாபனம் பல்வேறு தயார்படுத்தல்களை மேற்கொண்டு வருகின்றது.எனினும் கொலாராவினால் பாதிப்பட்டவர்கள் இதுவரை அடையாளம் காணப்படவில்லையென ஐக்கிய நாடுகள் சபையை மேற்கோள்காட்டி பாகிஸ்தான் அரசாங்கள் செய்தி வெளியிட்டுள்ளது.

இந்த நோய் தாக்கத்துக்கு அண்ணளவாக ஆறு மில்லியன் மக்கள் உள்ளாகும் ஆபத்து இருப்பதாக அவர் சுட்டிக்காட்டியுள்ளார்.வெள்ளத்தினால் பாதிக்கப்பட்ட மக்கள் மன அழுத்தத்துக்கு உள்ளாகும் அச்சம் உள்ளதாக பாகிஸ்தானின் வெளிவிவகார அமைச்சர் மெஹ்மூட் குரோஷி கூறியுள்ளார்.

பாகிஸ்தானின் பஞ்சாப் சிந்து மற்றும் பலோசிற்ரான் மாகாணங்களின் தெற் பகுதிகளில் மேலதிக இராணுவத்தினர் கடமைகளில் ஈடுபடுத்தப்பட்டுள்ளதாக அமைச்சர் தெரிவித்துள்ளார்.

இந்த அனர்த்தினை காட்டி ஆயுததாரிகள் இலாபம் அடைய இடமளிக்கப்படமாட்டாது என அமைச்சர் மேலும் சுட்டிக்காட்டினார்.

சிந்து மாகாணத்தில் பிரதான வீதிகள் பல தடைப்பட்டுள்ளதால் உணவுப் பொருட்களை விநியோகிப்பதில் தாமதம் ஏற்பட்டுள்ளது.

பாதிக்கப்பட்ட மக்களுக்கு 460 மில்லியன் அமெரிக்க டொலர்கள் தேவைப்படுகின்ற போதிலும் இதுவரை 125 மில்லியன் அமெரிக்க டொலர்களே வழங்குவதற்கு உறுதியளிக்கப்பட்டுள்ளதாக ஐக்கிய நாடுகள் சபை கூறியுள்ளது.

இந்தப் பகுதிகளுக்கு நேற்று விஐயம் செய்த ஐக்கிய நாடுகள் சபையின் செயலாளர் நாயகம் உதவிகளை விரைவுபடுத்ததும் படி வலியுறுத்தியிருந்தார்.ஐக்கிய நாடுகள் சபையின் அவசரநிலைமைகளுக்குப் பொறுப்பான நிலையமத்தின் நிதியில் இருந்து மேலதிகமாக 10 மில்லியன் அமெரிக்க டொலர்களை வழங்குவதாக உறுதியளித்திருந்தார்.

அத்துடன் 459 மில்லியன் அமெரிக்க டொலர்கள் நிவாரணப் பணிகளுக்கான தேவைப்படுவதாக கடந்த வாரம் ஐக்கிய நாடுகள் சபை அறிவித்திருந்தது.நீண்ட கால அடிப்படையில் பல மில்லியன் அமெரிக்க டொலர்கள் தேவைப்படுமெனவும் ஐக்கியநாடுகள் சபை கூறியிருந்தது.

ஐந்தில் ஒரு பங்கு பாகிஸ்தான், வெள்ளத்தால் அழிவுகளைச் சந்தித்துள்ளதாகவும் பான் கீ மூன் குறிப்பிட்டிருந்தார்.பாகிஸ்தான் அரசாங்கத்தின் தகவல்களின் படி இதுவரை 20 மில்லியன் மக்கள் இந்த அனர்த்தத்தால் பாதிக்கப்பட்டுள்ளதோடு குறைந்ததது 1500 பேர் உயிரிழந்தமை குறிப்பிடத்தக்கது.

இரண்டு வாரங்களுக்கும் அதிகமாக பாகிஸ்தானின் நான்கில் ஒரு பகுதி நீரில் மூழ்கியிருந்ததுடன் பல விவசாய நிலங்கள் வெள்ளத்தில் அடித்துச் செல்லப்பட்டிருந்தது.

இந்த அனர்த்தம் பாகிஸ்தான் பொருளாதாரத்தில் நீண்ட காலத்துக்கு பாதிப்பை ஏற்படுத்துமென சர்வதேச நாணய நிதியம் சுட்டிக்காட்டியுள்ளது.

பயங்கரவாதத்துக்கு எதிரான போரிட அமெரிக்க ஏற்கனவே 70 மில்லியன் அமெரிக்க டொலர்களை வழங்கியிருந்தது.

என்றும் இந்துப் பெருமக்களால் வழிபடும் தலச் சிறப்பும் தொன்மையும் மிக்க ஆலயமாகத் திகழ்வது துறைநீலாவணை பதியில் அமைந்திருந்து அருளாச்சி புரியும் கண்ணகை அம்மன் ஆலயமாகும்.ஆற்றல்கள் அனைத்தும் அருளி அண்ட சராசரங்களில் அன்னையின் வடிவில் நீக்க மற நிறைந்து அருள்பாலிப்பவள் அன்னை பராசக்தியாகும்.

புங்கமர நிழலில் நாகம் குடைபிடிக்க மங்கை வடிவாகி குன்றின் மேல் அமர்ந்து குறைகளைப் போக்கி மக்களைக் காக்கும் காவிய நாயகி துறைநீலாவணை கண்ணகை அம்மனின் டிந்த ஆண்டுக்கான உற்சவப் பெருவிழா கடந்த மாதம் 25 ஆம் திகதி ஆரம்பமாகி ஜுன் முதலாம் திகதி திருக்குளிர்த்தி பாடும் வைபவத்துடன் இனிதான நிறைவுபெற்றது என்றும் பரிப+ரணி மகாசக்தி கங்கைகரையில் அமர்ந்திருந்து அருள்சுரக்கும் அற்புத சக்தியான கண்ணகை அம்மனின் சிறப்பு ஏனைய ஆலயங்களில் இருந்து வேறுபட்டதாக உள்ளது.

மட்டக்களப்பு தமிழகத்தில் சீரும் சிறப்புடனும் கல்வெட்டு மற்றும் செப்பேடுகள் உடனான கண்ணகை அம்மன் ஆலயமாக துறைநீலாவணைக் கிராமத்தின் வட அந்தத்தில் இரண்டு கிலோமீற்றர் தொலைவில் குன்றுகளின் மேல் அமையப் பெற்ற ஆலயமாகவுள்ளதால் இந்த ஆலயத்தை கல்லடிநாச்சியம்மன் என அழைப்பர்.

மட்டக்களப்பு வாவியை நோக்கியவாறு குன்றுகள் அனைத்தையும் தன்னகத்தே அடக்கியவாறும் சோதிட விதிப்படியும் இயற்கை அமைப்புடனும் காட்சி தருகின்ற புண்ணிய தலமாக இந்த ஆலயம் உள்ளது

இந்த ஆலயம் அமைந்துள்ள இந்தப் பிரதேசம் பண்டைக்காலத்தில் காடுகள் அடர்ந்த பிரதேசமாக விளங்கியது.இந்தப் பகுதியில் முனிவர்கள் வாழ்ந்தமையினால் இந்த ஊரின் ப+ர்வீகக்குடிகள்இந்த இடத்துக்குச் செல்ல அச்சமும் பக்தியும் உள்ளவர்களாக இருந்தார்கள் என வரலாறுகள் கூறுகின்றன.

சில காலத்தின் பின்னர் முனிவர்கள் அந்த இடத்தை விட்டு அகன்று சென்றதை அறிந்த மக்கள் அந்த இடத்துக்குச் செல்லத் தலைப்பட்டனர்.

இவ்வாறு சென்ற பக்தர் ஒருவர் ஒரு அதிசயத்தைக் கண்டார்.முனிவர்கள் வசித்த அந்த ஆச்சிரமம் பாழடைந்து இருந்தததையும் அதற்குப் பக்கத்திலே ஒரு புங்க மர நிழலில் சித்திர வேலைப் பாடுகளுடன் சிலம்பு கொண்ட ஒரு சிலையுமாக மூன்று சிலைகளையும் கண்ட அவர் அண்ணாந்து பார்த்தவுடன் படம் பிடித்த கோலத்துடன் உயர்சாதி நாக பாம்பு குடை பிடித்திருப்பதையும் கண்டார்.

அடுத்த பதிவில் அம்மன் அருள் தொடரும்…..